РАЁННЫЯ ДАЖЫНКІ У ВЯЗЫНІ

23 жніўня ў аграгарадку Вязынь Вілейскага раёна адбылося раённае свята “Дажынкі-2023”. Праграма пачалася з яркага ўрачыстага нумара ў выкананні НВК “Суквецце” ДУ “Вілейскі Палац культуры” і ТК “Новыя гарызонты” ДУА “Вілейская гімназія №1 Логас”. Ва ўрачыстай частцы свята аддалі належнае нялёгкай працы камбайнераў, трактарыстаў, аграномаў і ўсіх тых, хто дапамагаў дабівацца высокіх паказчыкаў ва ўборачнай кампаніі гэтага года. Лепшыя з найлепшых атрымалі заслужаныя ўзнагароды. У канцэртнай праграме для сельскіх працаўнікоў прынялі ўдзел калектывы і салісты ДУ “ВДК”, ДУА “ВДШІ”, СДЮШАР і ДУК “ЦКС Вілейскага раёна”. Гасцінная Вілейская зямля сустрэла спецыяльных гасцей свята – вакальную групу “Чысты голас” і Аляксандра Саладуху. Завяршылася свята фейерверкам і танцавальнай праграмай. Фота перададзены рэдакцыяй газеты “Шлях Перамогi”.